Onderhoud en Stoffering by Tommies

Die begin van jou tegniese reis.

By HTS Tom Naudé lê ons ’n sterk grondslag vir tegniese vaardigheid en beroepsgerigte leer.

Onderhoud en Stoffering in Graad 8 en 9 is ’n verpligte en waardevolle vak wat leerders voorberei vir suksesvolle keuses in vakrigtings soos Elektriese, Siviele en Meganiese Tegnologie.

Wat leer jy in Onderhoud en Stoffering?

• Basiese handvaardighede en gereedskapbeheer

• Veiligheid en netheid op ’n werksplek

• Oplossing van praktiese probleme

• ’n Inleiding tot materiaalgebruik, herstelwerk en tegniese denke

Hierdie vaardighede bou:

• Selfvertroue om tegniese take aan te pak

• Insligting oor verskillende rigtings – van bedrading tot konstruksie en meganiese herstel

• ’n Praktiese basis wat help om ingeligte vakkeuses in Graad 10 te maak

Elke groot projek begin met basiese vaardigheid.

By Tommies gee Onderhoud en Stoffering jou die gereedskap – letterlik én figuurlik – om jou tegniese pad met trots te begin.