SPORTBELEID

ALGEMEEN:

Die doel van die gedragskode is om die opvoedkundige waarde van sport te bevorder en sluit  aan by HTS Tom Naudé se sportbeleid.  ‘n Paar belangrike doelwitte van sport is:

  • Om trots, respek en burgerskap by die leerders te kweek deur goed georganiseerde sport.
  • Om selfvertroue by die leerders te ontwikkel deur middel van sport.
  • Om lojaliteit by leerders te kweek teenoor sy/haar span, skool en land.
  • Om goeie gesonde gesindheid by leerders, deur middel van sport, te ontwikkel.
  • Om bande met buurskole en ander skole te vorm en te onderhou.
  • Om dit moontlik te maak vir leerders wat in sport presteer om die hoogste sport te bereik.
  • Die doel van sport is om deelname te bevorder met die oog op ontwikkeling van talente. Elke deelnemer moet die geleentheid kry om buitemuurse aktiwiteite te beoefen en te geniet.
  • Die wenmotief mag nooit die gees van deelname oorskadu nie.

Sportsoorte

 

1. Atletiek

2. Gholf

3. Hokkie (D)

4. Hokkie (S)

5. Krieket

6. Landloop

7. Netbal

8. Rugby

9. 7’s Rugby

10. Sokker

11. Skaak

12. Jukskei

13. Fietsry

14. Boogskiet

15. Swem

 

 

Buite sportsoorte

1. Karate

2. Stoei

3.

4. Tennis

5. Ringbal

6. Veerpyltjies

7. Gimnastiek

8. Muurbal

9. Perdry

10. Hotrods

11. Skopboks

12. Cue sport “pool”

 

Buite sportsoorte:

 

‘n Buite sportsoort is ‘n sport waaraan leerder deelneem wat nie by die skool gespeel word nie of wat by ‘n buiteklub beoefen word. Die sportsoort moet erken word deur ‘n sportorganisasie in SA.

Atletiek

 

  • Atletiek is aanvanklik aan die begin van die jaar (Jan- einde Feb.). Gedurende die tydperk neem atlete aan ten minste 3-4 byeenkomste en 1 Interhoër deel.
  • Bokkesport en bokkelandloop word ook aan die begin van die seisoen gereël en word dan as ‘n instrument gebruik om spankeuses te maak.
  • Atlete wat goed presteer en kwalifiseer vir deelname aan Limpopo of SA ’s, kan aanhou tot einde April wanneer die Kampioenskappe plaasvind.
  • Marius Lengton (Oktober) is ‘n jaarlikse byeenkoms wat TN aanbied en atlete neem dan daaraan deel. Dit vorm deel van die voorseisoen vir die volgende jaar.
  • TN neem ook elke jaar deel aan die skole TOP 10 (PTA) indien daar genoeg kompeterende atlete is wat die kwalifiseer vir deelname.

Gholf

 

  • Gholf vind plaas in die 2de kwartaal.
  • Dit word Vrydae gespeel en skole van Limpopo vorm deel van die liga.
  • Daar is jaarliks ‘n Interhoërliga waaraan spelers moet deelneem en die skool wat die Interhoër-atletiek aanbied, is die skool wat die Interhoër gholf moet aanbied.
  • Spelers moet geaffilieer wees by ‘n gholfklub om deel te kan neem aan die skoleliga.
  • Proewe sal gehou word aan begin van seisoen (indien daar genoeg spelers is) en van daar sal liga-inskrywings bepaal word.

Hokkie (Meisies)

 

  • Hokkie word gespeel in die 2de kwartaal.
    • Wedstryde word bepaal deur die Limpopo Hokkie Unie en vind plaas op ‘n weeksdag of naweke.
    • Vriendskaplike wedstryde kan in week of naweke plaasvind.
    • Die finaal moet gespeel word voor die einde van die 2de kwartaal verby is.

Krieket

 

  • Ons Krieketliga skop die 3de kwartaal af.
  • Voorseisoen begin reeds einde van 2de kwartaal.
  • Spanne word gekombineer afhangende van die hoeveelheid spelers (0/15 en 1ste).
  • Toere kan gedurende die Junie-vakansie plaasvind.

Landloop

 

  • Landloop vind plaas gedurende die 2de en 3de kwartaal.
  • Alle landloop-atlete moet geregistreer wees by LIMA.
  • Alle landloop-atlete moet aan ten minste 3 byeenkomste in Limpopo deelneem om in aanmerking te kom vir die Limpopo-span en later die SA-SPAN.

Netbal

 

  • Die Netbal-seisoen begin direk na die Interhoër plaasgevind het.
  • Netballiga vind plaas gedurende die 2de kwartaal.
  • Die liga word bepaal deur Limpopo Netbal en SASN en word gedurende die week gespeel.
  • Netbalmeisies speel ook vriendskaplike wedstryde gedurende naweke waar die rugby-seuns ook speel.
  • Netbaltoere vind gedurende die April-vakansie plaas.
  • Voor en na seisoen kondisionering word gedoen in die af seisoen.

Rugby

 

  • Die rugbyseisoen begin direk na die Interhoër plaasgevind het.
  • Voorwedstryde (vriendskaplik) word reeds in Maart gespeel.
  • Die Rugbyseisoen strek meestal oor die 2de kwartaal, maar gaan in die 3de kwartaal aan met Limpopo Finale en Beeldtrofee-wedstryde.
  • Voor-seisoen-rugby-reekse word in die 3de kwartaal gespeel met (O/16 en O/17 sowel as O/15)-spelers wat in aanmerking kom vir die volgende jaar se moontlike 1ste en O/16 span (KIA reeks)- indien daar reekse is.
  • Wedstryde word gedurende naweke gespeel soms by uitsondering word wedstryde in die week ook gespeel bv. Zimbabwiese Uitnodiging spanne.
  • Voor-en na seisoen kondisionering word gedoen in die af seisoen.

7’s Rugby

 

  • 7’s Rugby word in die 3de kwartaal gespeel.
  • Slegs O/15 en -O/17 spelers mag deel uitmaak van die spanne.
  • Limpopo Toernooie word deur die Unie bepaal.
  • Spanne wat kwalifiseer (top 2) dring deur na Noordvaal.

Sokker

 

  • Sokker vind plaas in die 2de kwartaal.
  • Voorseisoen begin reeds einde van 2de Kwartaal.
  • Die liga word bepaal deur die “Limpopo Football Assosiation”.
  • Wedstryde word gedurende die week gespeel, slegs by uitsondering word wedstryde Saterdae gespeel.

Skaak

 

  • Skaak word regdeur die jaar gespeel.
  • Spelers gaan saam en kompeteer wanneer daar naweke teen ander skole gespeel word.

Jukskei

 

  • Jukskei word gedurende die 3de Kwartaal gespeel.
  • Spelers neem deel aan die Limpopo liga gedurende naweke en aan skoleligas.
  • Wenspanne gaan jaarliks deur na die Direkteursliga wat op ‘n Saterdag in September plaasvind.

Fietsry

 

  • Fietsryliga vind plaas in die 2de en 3de kwartaal.
  • Fietsryers neem oor naweke aan verskillende kompetisies, soos deur die liga bepaal, deel.

Boogskiet

 

  • Boogskiet vind regdeur die jaar plaas.
  • Skuts neem deel waar die wintersport deelneem indien die skool boogskiet aanbied.
  • Skuts neem ook deel aan buite (klub) kompetisies om te kwalifiseer vir die Limpopo-span.

VEREISTES

Vir die bestaansreg van ’n Tom Naudé sportsoort moet die volgende in ag geneem word:

  • Die beskikbaarheid van ’n organiseerder (Sporthoof).
  • Die beskikbaarheid van fondse (Die eerste 2 jaar moet die sportsoort finansieel

             onafhanklik kan funksioneer en hul eie toerusting voorsien).

  • Die beskikbaarheid van geskikte / erkende afrigter(s).
  • ’n Ouer-verteenwoordiger wat ten minste vir die eerste 2 jaar in die pos sal dien.
  • Die beskikbaarheid van ‘n oefenterrein en oefentye binne die bepaalde seisoen.
  • Die bestaan van ’n amptelike skolesportliggaam wat deur die Onderwysdepartement erken word.
  • Daar amptelike skoleligas bestaan waaraan deelgeneem kan word. Sport in klubverband alleen, sal nie oorweeg word nie.
  • ’n Minimum van 12 leerders (geld nie vir kleiner sportkodes nie) moet die sport reeds in hul privaat hoedanigheid beoefen. Slegs belangstelling kan nie oorweeg word nie. (Nie van toepasing op buite-sportsoorte nie)
  • Die sport moet deur die Beheerliggaam as ’n amptelike TN skolesport goedgekeur word.
  • Enige sportsoort mag slegs aan die jongste ouderdomsgroep deelneem, waarna

            hul jaarliks natuurlik in getalle moet groei om eindelik aan al die ouderdomsgroepe deel te

            neem.

  • Enige sport kan ook gestaak word indien daar nie aan enige van bogenoemde

             vereistes voldoen word nie.

 

AFFILIASIE EN DEELNAME

 

  • Slegs LIMPOPO DEPARTEMENT VAN ONDERWYS geaffilieerde sportsoorte sal die nodige erkenning ontvang.
  • In alle sportsoorte wat by HTS TOM NAUDé beoefen word, sal die leerder se plig en lojaliteit eerstens by sy skoolspan lê.
  • Wanneer ’n leerder by ’n klub of buite-instansie deelneem, sal die skool eerste aanspraak

             op die leerder se deelname hê.

  • Die leerders moet gemotiveer word om aan aktiwiteite van die skool deel te neem.
  • Indien ‘n leerder nie deel van die amptelike skoolspan uitmaak nie, sal die spesifieke sportsoort vir die betrokke leerder nie as ’n TN skoolsport erken word nie.
  • Affiliasiegelde moet aan die begin van die seisoen aan die moederliggame oorbetaal

             word.

  • ’n Vasgestelde bedrag word deur die Hoofdekring bepaal en mag nie oorskry word

             nie.

Die moederliggame is:

 

  1. Atletiek – (LIMSA, LIMA)
  2. Gholf – Limpopo Gholf unie
  3. Hokkie – (Dogters) Limpopo Hokkie-unie
  4. Krieket – (Seuns) Limpopo Krieket-unie
  5. Landloop – LIMA
  6. Netbal – (Dogters) Limpopo Netball en SASN
  7. Rugby – (Seuns) Limpopo Blou Bulle
  8. Sokker – (Seuns) Limpopo Football union
  9. Jukskei – Limpopo Jukskie-unie

AFRIGTING

 

Algemeen

 

  • Gespesialiseerde afrigters sal die afrigting behartig afhangend van die beskikbare begroting.

             Elke ouderdomsgroep moet ’n personeellid as verteenwoordiger hê.

  • Geen nie-onderwyspersoneel mag gevra word om te help met afrigting sonder die

             toestemming van die hoof  en Beheerliggaam nie.

  • Die aanstelling van afrigters is primêr die verantwoordelikheid van die Sporthoof.
  • Die proses moet deur die BL-sportkomitee gemoniteer word en die nodige

             aanbevelings vir bekragtiging deur die Beheerliggaam en skoolhoof gedoen word.

 

 

Aanstel van afrigters

 

  • Die aanstelling van afrigters is primêr die verantwoordelikheid van die Sporthoof.
  • Die proses moet deur die BL-sportkomitee gemoniteer word en die nodige

             aanbevelings gemaak word vir bekragtiging deur die Beheerliggaam en skoolhoof.

  • Geen ouer mag ’n span afrig waarby sy kind betrokke is nie. In uitsonderlike

             gevalle, met die goedkeuring van die Beheerliggaam, sal dit wel toegelaat word.

  • Daar moet by alle spanne ’n onderwyser, verbonde aan HTS Tom Naudé,

             betrokke met afrigting, wees. Indien so ‘n onderwyser geen kennis van afrigting het

             nie, moet sodanige onderwyser/haarself of homself bekwaam om die taak te verrig. In so ’n

             geval sal die onderwyser saam met ’n gekwalifiseerde afrigter werk.

 

 

Die pligte van die afrigter behels:

 

  • Die beplanning en organisering van die afrigtingsessies;
  • Die afrig van die betrokke spanne;
  • Optree as skeidsregter tydens wedstryde indien daar nie voorsien word deur Unies nie;
  • Vergesel spelers/atlete op die bus soos deur die organiseerder bepaal;
  • Werk in spanverband saam met die onderwyser aan die betrokke span toegewys;
  • Die span moet tydens toere/kursusse vergesel word. Reis, verblyf en etes is in die

             toer/kursus-gelde ingesluit. Toere/kursusse wissel tussen 3 – 10 dae.

  • Gedurende die skoolvakansie vir ten minste 3 sessies per week sal afrig, ongeag die

            aantal leerders wat opdaag, tensy anders deur die organiseerder aanbeveel.

            (Hierdie reëling geld slegs indien daar geen toer/kursus gedurende die vakansie

            plaasvind nie).

  • Voltooiing van die nodige beseringsvorms, binne 5 dae, indien ʼn leerder ’n

             besering tydens oefeninge en/of wedstryde sou opdoen.

  • Opstel van spanlyste wat voor die aanvang van enige wedstryd by die

              sportbestuurder ingedien moet word.

Spankeuse/ Samestelling van spanne

 

  • Alle leerders moet ’n regverdige geleentheid gegun word om hom of haarself te

             bewys.

  • Daar moet dus proewe gereël word / uitdunne gehou word
  • Daar word aanbeveel dat ’n paneel aangewys word om aan te dui wie by die span ingesluit moet word.
  • Die finale keuse berus by die afrigter.
  • Proewe mag slegs enkele weke voor die aanvang van die seisoen se ligawedstryde

             plaasvind en nie reeds die voorafgaande jaar nie.

  • Enige ernstige besware in terme van die spankeuses moet skriftelik aan die organiseerder gerig word wat op sy beurt weer met die Sportkomitee van die skool in gesprek sal tree.
  • Slegs Bona Fide-leerders van HTS Tom Naudé mag in Tom Naudé se spanne

            ingesluit word, tensy ‘n speler toegelaat word deur ‘n Unie om te speel.

  • Geen leerder mag buite sy bepaalde ouderdomsgroep deelneem nie, tensy daar

            nie vir sy bepaalde ouderdomsgroep voorsiening gemaak word nie.

 

In uitsonderlike gevalle mag die organiseerder by die Beheerliggaam aansoek doen

met die volgende veronderstellings:

  • Die span waarby die betrokke leerder betrokke is, speel nie meer wedstryde nie.
  • Die ouers, afrigter en Beheerliggaam gee skriftelike toestemming
  • Die leerder neem nie buite sy posisie deel nie.
  • In die geval van krieket mag ’n O/14 en O/15-seun wel vir die eerstespan oorweeg

word, maar hy MOET by sy eie span oefen en vir sy eie ouderdomsgroep wedstryde speel

  • Geen span mag begin oefen voordat die hoof nie toestemming gegee het nie. Dit

            beteken dus dat die voorseisoen se oefeninge slegs mag begin na die afhandeling

            van die vorige seisoensport.

  • Alle uitsonderings moet skriftelik aan die sporthoof vir goedkeuring voorgelê word.

PLIGSTAAT VAN ‘N SPANBESTUURDER

 

Die Spanbestuurder is die skakel tussen afrigter, ouers, spelers en die Unie (in die geval Hoër Tegniese Skool Tom Naudé (Hierna verwys as “HTSTN”))

 

Die volgende take gaan van die spanbestuuder/es verwag word:

Span en speler inligtingslêer

  • Volledige naamlys van spelers: (Volle naam en van, noemnaam, geboortedatum, ID, kontakbesonderhede van spelers en hulle ouers.
  • Mediese besonderhede van elke speler, asook afskrifte van mediese kaarte, ID of geboortesertifikate.
  • Vrywaringsvorms van elke speler.

Wedstryddae

  • Spanlyste (getik) vir elke wedstryd.
  • Assisteer met die vervanging van reserwes asook rooi/geel kaarte en beserings gedurende die wedstryd.
  • Maak kontak met die beamptes, skeidsregters en mediese personeel.
  • Akkreditasie van afrigters.
  • BokSmart nommers van afrigters .
  • Alle beseerde spelers word gemoniteer vir prognose en resultaat van tydperk buite aksie.  

 

Spanvergaderings :

  • Hou notule
  • Objektiewe en doel van die program
  • Ouers ontmoet die afrigterspan, leer van hulle kwalifikasies, ens.
  • Finansiële aspekte van die span
  • Versprei inligting oor die seisoen se wedstryde, oefeninge.
  • Spesifieke inligting oor die span soos; toerusting benodig, klere, “Team policies”.
  • Werwing van Ouerkomiteelede
  • Adresseer vrae en bekommernisse van ouers.

 

Rekordhouding

  • Rekord van elke speler: wedstryde gespeel, punte aangeteken, kaarte toegeken, beserings, strafskoppe afgestaan, aanslane, duikslae uitgeoefen en gemis.
    • Opname van statistieke tydens kondisionerings – en vaardeigheidstoetse, individuele toetse

Koördinering en skakeling

  • Koördineer saam hoofafrigter oor oefeninge en hou register van oefeninge bygewoon, beserings en program
  • Skakeling met ouers , borge en ander spanbestuurders/afrigters
  • Hou die “pols” van die span en ouers aan die gang deur te luister na idees en probleme, en dit aan die hoofafrigter te kommunikeer.
  • Hou die span georganiseerd deur oefensessie-inligting en wedstrydskedule te kommunikeer
  • Skeduleer ‘n spanvergadering met die ouers en spelers en afrigters.
  • Kommunikasie is belangrik.(skep whatsapp-groep) Maak seker die spelers en beamptes weet ten alle tye wat aangaan.

Werwing van borge en spelers – assisteer

 

Gedrag en bevoegdhede  :

  • Lei deur voorbeeld, wees altyd vriendelik, diskreet en kalm.
  • Dit is belangrik dat die spanbestuurder die hoofafrigter ondersteun deur alle vrae rakende spelerkeuse, spelerposisies en speeltyd na die hoofafrigter toe te verwys.
  • Betroubaar, voorbereid, ingelig, stiptelik , administratief deeglik
  • Goed en duidelik kommunikeer
  • Ken reëls en reël tugverhore
  • Spanbestuurders is net so deel van die afrigtingspan as die afrigters self.

Ter afsluiting:

Om alle situasies en gebeure te beheer is voor-die-hand-liggend nie moontlik in ‘n posbeskrywing van dié aard nie. As ‘n spanbestuurder word verwag van u om u inisiatief en pragmatiese denkwyse toe te pas wanneer die onverwagte gebeur. “Think on your feet”, en tree ten alle tye professioneel op – die spelers kyk op na u.

ORGANISERING

 

  • ‘n Beplanningsvergadering vind aan die begin van die seisoen plaas.
  • ‘n Organisatoriese vergadering vind aan die begin van die seisoen plaas.
  • ‘n Evalueringsvergadering vind aan die einde van die seisoen plaas.
  • ‘n Ouer-belangegroep vergader met die aanvang van die nuwe seisoen.

 

Bepalings en byeenkomsprogramme

  • Die organiseerder van ’n spesifieke sportsoort moet vier dae voor ’n byeenkoms ‘n

                  program by die sporthoof inhandig.

  • Indien daar gedurende die week, of op Saterdag, sport beoefen word, moet hierdie program Maandag voor 08:30 ingehandig word. In die geval van tuiswedstryde moet die besoekende skool vroegtydig die nodige inligting ontvang.
  • Aan die begin van elke seisoen moet die nodige fasiliteite/terrein bespreek word deur

                  dit op ’n jaarkalender by die persoon verantwoordelik aan teken.

  • Enige bykomende fasiliteite/terrein wat benodig word vir ’n gespesifiseerde geleentheid, moet by die verantwoordelike persoon bespreek word. Die nodige dokumentasie betrokke MOET ook voltooi word.

 

Vervoerreëlings

 

Skoolbusse

 

  • Die bussies moet aan die begin van elke seisoen bespreek word deur dit op ’n

            jaarkalender by die persoon verantwoordelik vir die voertuie aan te teken. Die nodige

            dokumentasie betrokke MOET ook voltooi word.

  • Bevestig ’n dag voor die tyd of die voertuie nog gebruik gaan word.
  • Die bussies kan vir alle wedstryde (vriendskaplik en ligas) gebruik word.
  • Vir toere moet u span self vir die brandstof betaal en na afloop van die toer, moet die busse weer vol brandstof teruggee word.
  • Alle spelers en leerders moet ‘n vrywaringsvorm voltooi en dit moet ingehandig word by die afrigter of onderwyser wat op toesig is op die bus. Geen speler of leerder mag op die bus klim sonder die vorm nie.

 

Privaat busvervoer

 

  • Die busse moet tydens die aanvang van die seisoen bespreek word.
  • Die aantal busse benodig kan die week voor elke wedstryd bespreek word.
  • Die nodige dokumentasie betrokke MOET ook voltooi word.

 

Die volgende inligting moet ’n dag voor die tyd aan die spanne bekendgemaak word:

  • Hoe laat die bus vertrek.
  • Hoe laat die bus terug sal wees.
  • Daar moet ’n lokaal beskikbaar wees vir tasse in gevalle van weekwedstryde.
  • Toesig op die busse word vooraf deur elke organiseerder uitgewerk en die name aan die sporthoof oorhandig.
  • Vir atletiek (Interhoër) moet daar ten minste drie weke voor die tyd, busse bespreek word.

FISIESE REËLINGS VIR WEDSTRYDE / BYEENKOMSTE

 

  • Die uitmerk van die velde/bane word deur die sportorganiseerder van die betrokke

                  sportsoort en terreinbestuurder gereël. Alle reëlings moet skriftelik voor Maandag 08:30

                  van die betrokke week gereël word.

  • Noodhulp word deur die sporthoof hanteer. Die Sporthoof moet egter datums aan die begin van die seisoen ontvang sodat nodige reëlings getref kan word.
  • Verversings voor en tydens die wedstryde word deur die sportorganiseerder, in

                  samewerking met die persoon aangewys vir onthale, gereël.

  • Vir vriendskaplike wedstryde moet die organiseerder self reëlings tref.

 

Die volgende sake moet aandag geniet:

  • Programme ( Sporthoof is verantwoordelik)
  • Hekdiens tydens groot byeenkomste (VLR en Voogde)
  • Druk van toegangskaartjies (Personeel-lid)
  • Kleingeld vir die onderskeie hekke (VLR en Voogde)
  • Geesvang (Voogde en afrigters)

BESOEKENDE SPANNE EN GROEPE

 

  • In die geval van liga-bepalings staan die betrokke organiseerder aan die hoof van sake.
  • Hy is verantwoordelik om deur middel van die organogram, alle reëlings te tref en

            hulppersoneel aan te wys.

  • Alle reëlings moet 2 dae voor die tyd gefinaliseer word en die hoof moet skriftelik daarvan in kennis gestel word.
  • In geval van toergroepe wat die skool wil besoek, moet die hoof vooraf in die saak geken word.
  • Daar word verwag dat afrigters saam met die gaste verversings sal geniet.
  • Die hoofseun en hoofmeisie (Sport) moet die besoekende spanne by die bus ontvang en die nodige reëlings aan hulle kommunikeer.
  • Aan die einde van die sportdag moet die kapteins by die bus van die gaste afskeid neem.

Sporttoere

 

Algemene beginsel

 

Enige sporttoer word op die beginsel van onafhanklikheid van die skoolbegroting beplan, bestuur en uitgevoer. Dit beteken dat die toergangers verantwoordelik is vir alle onkoste wat so ‘n toer inhou. Geen finansiële hulp van die skool, ook nie in die vorm van die vooruitskiet van geld vir ‘n toer sal oorweeg word nie. Goedkeuring van die hoof moet verkry word wanneer ’n toer beplan word. ’n

Volledige toerprogram moet aan die hoof en sporthoof voorgelê word. Geen leerder mag weens finansiële redes van ’n toer weerhou word nie. Alle gelde moet by die skool inbetaal word. Elke leerder moet ’n vrywaringsbrief geteken deur sy ouers inhandig. Na afloop van die toer moet ’n volledige verslag aan die hoof voorgelê word asook die bewys van enige uitgawes rakende die toer. Buitelandse toere word nie aanbeveel nie, as gevolg van die astronomiese kostes.

Aansoeke vir ’n buitelandse toer moet minstens 12 maande voor die beplande toer goedkeuring van die Beheerliggaam verkry.

SPORTDRAG

 

  • Slegs amptelike sportdrag, soos deur die skoolreëls voorgeskryf, mag deur die leerders gedra word, ook voor en na wedstryde.
  • Reisdrag is Tommiedrag met sweetpak, anders in A-drag soos deur die skoolbeleid bepaal.
  • Geen borge word op Tommiedrag toegelaat nie.
  • Toeskouers moet skooldrag aanhê wanneer daar na ander skole gereis word.
  • Enige verandering aan sportdrag moet na afloop van die seisoen aan die klerekomitee vir goedkeuring voorgelê word.
  • Alle sportdrag is vir ’n tydperk van drie jaar bindend. Enige veranderinge moet eers deur die hoof, beheerliggaam en die klerekomitee goedgekeur word.

PRYSUITDELING / ERKENNING

 

  • Vir alle toekennings moet die reglement van ‘n organisasie vir erkenning van sport, geraadpleeg word.
  • ‘n Prysuitdeling geskied streng volgens die Prysuitdelingsreglement. Enige veranderinge moet voor die aanvang van die seisoen geskied en versoeke kan aan die Sporthoof gerig word.
  • Slegs amptelike Tom Naudé sportsoorte word tydens die prysuitdeling erken.
  • Buite sportsoorte word ook erken en word ook beloon.
  • Daar word wel erkenning vir leerders gegee wat provinsiale en nasionale kleure verwerf vir nie-skool sportsoorte. Dit word ook duidelik in die Prysuitdelingsreglement
  • Meriete-toekennings soos Kleure: Goud [Verwys na erekleure], Silwer en Maroen word volgens die Prysuitdelingsreglement: Sport gemaak en deur die organiseerder aan die  hoof vir goedkeuring, voorgelê.
  • Die Sportraad moet in samewerking met die sportorganiseerder besin oor die reglemente van toekennings van elke sportsoort. Meriete-toekennings word aan die einde van elke sportseisoen aan die leerders uitgegee.
  • Gedurende die Sportprysuitdeling geleentheid word daar ook Kategorie-toekennings binne elke sport gemaak om aan meer leerders erkenning te gee vir hul prestasies.
  • Erekleure word slegs toegeken indien leerder op provinsiale of nasionale vlak deelgeneem het.

 

Kriteria vir toekennings word op die volgende puntestelsel bepaal:

 

Gradering:

Punt:

Ouderdomsgroep A- span- skool

3

Ouderdomsgroep B- span- skool

2

Ouderdomsgroep C- span- skool

1

1ste span- skool

4

Kaptein van bogenoemde

2

Goud- Interhoër

3

Silwer- Interhoër

2

Bronse- Interhoër

1

Provinsiaal A-span

5

Provinsiaal B of C span

3

Kaptein van bogenoemde

3

Nasionale span

6

Liga wenners

5

Liga naaswenners

3

Oef bywoning (80%-100%)

3

KURSUSSE

Die skool betaal 100% van die kursusfooie indien die personeellid permanent aangestel is en die kursus deur ’n amptelike skolesportliggaam gereël word. Die kursusfooie moet ook in die begroting van die skool ingesluit wees. Afrigters moet gereeld kursusse bywoon wat gereël word deur die Sporthoof.

SPORTRAAD

 

  • Die Sportraad is die raad wat die Beheerliggaam vir sport verteenwoordig.
  • Voorsitter: soos aangewys deur die Beheerliggaam en die Sporthoof.
  • Bykomende lede word deur die Beheerliggaam aangewys.
  • Die res van die sportraad bestaan uit die onderskeie sportorganiseerders en die verkose ouerverteenwoordigers.

 

Hierdie raad hanteer alle sportaangeleenthede en maak die nodige aanbevelings aan die Hoof en die Beheerliggaam wat dan die aanbevelings kan bekragtig. Hierdie raad vergader op ’n weeklikse basis of soos die behoefte ontstaan.

 

Elke sportsoort kies jaarliks ‘n komitee bestaande uit afrigters en ouers wat saam met die Sportraad die betrokke sport bestuur.

KLEREKOMITEE

 

Die klerekomitee bestaan uit die Sporthoof, Dagbestuur, lede van.die Beheerliggaam gemoeid met sport en die Graadvoogde.

 

Enige veranderings m.b.t kleredrag moet eers deur die betrokke partye goedgekeur word voor enige veranderings aangebring kan word. Die klerekomitee is verantwoordelik vir die kleredrag van die skool en sal seker maak dat dit nie te veel afwyk van tradisies en die skool se heraldiese kleure nie.

SPORTGEES-KOMITEE

 

‘n Geeskomitee moet jaarliks gekies word en moet bestaan uit 1x nie afrigtende onderwyser, 2 of meer ouers en die VLR van sport sowel as lede van VLR Hulpraad.

 

  • Hoof van Sport (verantwoordelik om die nodige informasie deur te gee aan die betrokke spanne en betrokke persone)
  • Alle afrigters is verantwoordelik om seker te maak alle spelers bly tot die einde (na die 1ste span se wedstryd)

LEIERONTWIKKELING

 

Sportleiers word aan die begin van die seisoen geïdentifiseer. ’n Kort kursus word dan aangebied om die pligte en verantwoordelikhede aan elkeen uit te spel. Dit is die verantwoordelikheid van die organiseerder. Dis is die verantwoordelikheid van elke afrigter om seker te maak dat haar/sy spelers ten alle tye goeie leierseienskappe openbaar en gereeld aangespreek word om sodoende ‘n navolgenswaardige en positiewe houding uit te straal.

 ORGANOGRAM

‘n Organogram bevat die name van die voorsitters van die onderskeie sportsoorte (ouerverteenwoordigers)

Die BL-lede verantwoordelik vir sport, die Sportorganiseerder, Sporthoof ,Uitvoerende Sportraad van die skool wat aanbevelings aan die BL kan maak ten opsigte van beleidsake. 

 

Die lynstruktuur sal soos volg lyk:

  • SKOOL : Afrigter → Organiseerder → Sporthoof → Hoof
  • BEHEERLIGGAAM : Organiseerder → Sporthoof → Sportkomitee Voorsitter → BL-Voorsitter.

GEBRUIK VAN ALTERNATIEWE FASILITEITE

 

Aan die begin van elke seisoen moet die nodige fasiliteite/terrein bespreek word deur dit op ’n jaarkalender by die persoon verantwoordelik aan te teken. Enige bykomende fasiliteite/terrein wat benodig word vir ’n gespesifiseerde geleentheid moet by die verantwoordelike persoon bespreek word.

Die nodige dokumentasie betrokke MOET ook voltooi word.

GEDRAGSKODE VIR SPELERS

  • Neem deel volgens die reëls.
  • Moenie persoonlik met ‘n beampte verskil nie. Indien jy voel jy het ‘n saak, laat jou kaptein, afrigter of bestuurder die saak tydens ‘n onderbreking of na die wedstryd opneem met die beampte.
  • Selfbeheersing geld ten alle tye. Verbale teistering van beamptes, slegsê van opponente, doelbewuste intimidasie en uitlok van opponente, is nie aanvaarbaar en ook ontoelaatbare optrede in enige sportsoort.
  • Doen jou bes ter wille van jouself en jou span. Jy en jou span sal daarby baat.
  • Lê goeie sportmanskap aan die dag. Komplimenteer goeie spel – of dit jou eie span was of die opponente.
  • Doen aan alle deelnemers soos jy graag aan jouself gedoen wil hê. Moenie ander afknou of onregverdige voordeel trek uit ‘n opponent nie.
  • Gee jou samewerking aan jou afrigter, spanmaats en opponente. Sonder hulle sal daar geen kompetisie wees nie.
  • Neem deel tot voordeel van jouself, asook die lekker daarvan en nie slegs om ouers en afrigters se onthalwe nie.
  • Respekteer die regte, menswaardigheid en waardes van alle deelnemers, nieteenstaande hulle geslag, vaardigheid, kultuur of geloof.

 

GEDRAGSKODE VIR AFRIGTERS

  • Onthou dat jong spelers deelneem vir die genot daarvan en dat die wenmotief, deel uitmaak van die genot.
  • Moenie jong spelers verkleineer nadat hy/sy ‘n fout begaan het nie.
  • Die veiligheid en voorspoed van deelnemers moet die hoogste prioriteit geniet.
  • Bied aan alle jong mense ‘n regverdige geleentheid, nieteenstaande sy/haar geslag, vaardigheid, kultuur of geloof.
  • Hou in gedagte dat jong spelers deelneem vir die genot en eie gewin wat die sportsoort hom/haar kan bied – nie vir afrigters se plesier nie.
  • Gee erkenning (applous) aan alle individuele-en spanpogings. Wens alle deelnemers geluk met hulle prestasie nieteenstaande die uitslag van die wedstryde.
  • Respekteer die besluite van beamptes en leer jongmense om dieselfde te doen.
  • Moet nooit ‘n jong speler uitskel of verkleineer indien hy/sy ‘n fout begaan nie. Positiewe kommentaar dien as motivering.
  • Veroordeel die gebruik van geweld (ontoelaatbare spel/vuishoue). Of dit nou toeskouers, afrigters, beamptes of spelers behels.
  • Betoon respek teenoor jou span se opponente. Sonder hulle sal daar geen wedstryde plaasvind nie.
  • Moedig spelers aan om die reëls van die spel, asook beamptes se beslissings te aanvaar.
  • Moenie jou skuldig maak aan kru-taal, die uitskel en slegsê van spelers, afrigters of beamptes nie.
  • Respekteer die regte, menswaardigheid en waardes van alle jong spelers, nieteenstaande hulle geslag, vaardigheid, kultuur of geloof.

 

GEDRAGSKODE VIR ORGANISEERDERS

  • Betrek jongmense in die beplanning, leierskap, evaluering en besluitnemingsprosesse met betrekking tot spesifieke aktiwiteite.
  • Bied aan alle jongmense gelyke geleenthede tot deelname.
  • Skep kanale waarin jongmense nie net as speler, maar ook as afrigter, skeidsregter, administrateur, ensovoorts kan deelneem.
  • Maak seker dat die reëls, toerusting, tydsduur van die spel en afrigtingskedules aangepas word by die ouderdom, vaardigheid en ontwikkeling van jong spelers.
  • Stel kwaliteit toesig en afrigting vir junior spelers beskikbaar.
  • Onthou dat jong spelers grootliks deelneem vir die genot, eie gewin wat die spel hom/haar bied. Daarom moet toekennings nie oorbeklemtoon word nie.
  • Wees afrigters en beamptes behulpsaam om aanvaarbare gedrag en vaardigheidsontwikkeling te beklemtoon en uit te lig. Wees ‘n voorstander van die verbetering van afrigtingstandaarde en beheer.
  • Maak seker dat alle betrokkenes by juniorsport gesonde kompetisie beklemtoon en nie wen ten alle koste nie.
  • Voorsien toeskouers, beamptes, ouers, afrigters en die media van ‘n afskrif van die gedragskodes en doen ‘n beroep op hulle om dit na te kom.
  • Lei deur voorbeeld. Jou optrede en kommentaar moet self positief en ondersteunend van aard wees.
  • Stel dit duidelik dat die misbruik van kinders se talente onaanvaarbaar is en tot dissiplinêre optrede teen die skuldige kan lei.
  • Respekteer die regte, menswaardigheid en waarde van elke jongmens, nieteenstaande hulle geslag, vaardigheid, kultuur of geloof.
  • Pas die reëls en regulasies aan om by die vaardighede en behoeftes van jong spelers aan te sluit.
  • Gee erkenning en moedig alle deelnemers aan.
  • Wees ten alle tye konsekwent, objektief en bedagsaam tydens besluitneming.
  • Onsportiewe gedrag moet veroordeel word, terwyl respek teenoor alle opponente aangemoedig moet word.
  • Beklemtoon eerder die gees van die spel as die gebrek daaraan.
  • Reëlwysigings wat deelname aan die sportsoort meer aangenaam sal maak, moet aangemoedig en ondersteun word.
  • Wees self ‘n voorbeeld van sportmanskap. Dade spreek harder as woorde.
  • Bly op hoogte van die nuutste tendens betreffende die groei en ontwikkeling van jong spelers.
  • U stel die voorbeeld. U eie kommentaar en optrede behoort positief  en ondersteunend van aard te wees.

 

GEDRAGSKODE VIR BUITE-AFRIGTERS 

‘n Buite-afrigter en skoolafrigter verteenwoordig die skool en tree names die skool op.

 

Die rol van buite-afrigters:

  • Die buite-afrigters kan nie ‘n personeellid vervang of sy rol oorneem nie. Hy/sy is dus daar om ‘n personeellid te help en te ondersteun.
  • Ten einde buite-afrigters/ouers en hulle kinders te beskerm teen onregverdige kritiek, behoort hulle nie die spanne waar hulle kinders speel af te rig nie. Indien hulle wel by hulle eie kind se span betrokke wil wees, moet hulle onderhewig wees aan die skool se beleid en reëls, om alle partye te beskerm.  Die rol van die personeellid is dus baie belangrik, veral t.o.v. spankeuses, kapteinskap, reserwes, posisies ens.

Algemene optrede van afrigters en buite-afrigters:

  • Erken, handhaaf en bevorder basiese menseregte soos vervat in die Grondwet van Suid-Afrika;
  • Verbind hulle dus daartoe om alles binne hulle vermoë te doen om in die uitvoering van hulle pligte op te tree, ooreenkomstig die ideale van die skool;
  • Om op korrekte en betaamlike wyse op te tree sodat die optrede nie die skool/spelers benadeel nie;
  • Streef daarna om die belange, spesifiek van HTS Tom Naudé uit te bou en te bevorder;
  • Respekteer die waardigheid, oortuigings en grondwetlike regte van spelers en in besonder van kinders;
  • Erken die uniekheid, individualiteit en die besondere behoefte van elke leerder en moedig elke leerder aan om sy/haar potensiaal te verwesenlik;
  • Strewe daarna om leerders te lei om ‘n waardestelsel te ontwikkel wat ooreenstem met dit wat in die Handves van Menseregte in die Grondwet van Suid-Afrika vervat is;
  • Oefen gesag met deernis uit;
  • Vermy enige vorm van verkleinering en weerhou u van enige vorm van fisies- of sielkundige mishandeling asook onwelvoeglike fisiese kontak met die leerders;
  • Gebruik betaamlike taal tydens u interaksie met die leerders en tree so op dat dit respek van die leerders afdwing;
  • Tref redelike maatreëls om leerders se veiligheid te verseker;
  • Geen nalatige of agterlosige optrede word toegelaat in die uitvoer van u professionele pligte nie.

Spesifieke optrede verwag van buite-afrigters:

  • ‘n Onderwyser moet altyd die primêre (hoof) afrigter van ‘n span wees en alle finale besluite rondom afrigting, spel en wedstryde berus by die onderwyser;
  • ‘n Ouer/buite-afrigter kan slegs as hulp optree soos deur die behoefte van die skool bepaal word.
  • By die keuses van posisies, asook spankeuses is die onderwyser die finale besluitnemer wat in konsultasie met buite-afrigters optree. Die onderwyser bly verantwoordelik;
  • Alle administratiewe take is die verantwoordelikheid van die onderwyser, in beheer, van die span;
  • Spelpatrone en afrigtingsmetodes moet in lyn met die doelwitte wat die skool gestel het wees;
  • Prosedures rondom beserings is dieselfde as tydens pouses(volgens beleid). In ‘n wedstryd-situasie berus die besluit oor ‘n speler wat vervang moet word, as gevolg van ‘n besering, by die onderwyser.
  • Alle buite-afrigters moet die skool se beeld uitdra t.o.v. hul optrede om die skool se naam uit te bou.
  • Buite-afrigters mag binne die afgekampte gebied wees tydens wedstryde, maar kan slegs die vlag/fluit hanteer as hulle die reël-eksamen suksesvol afgelê het. (rugby/netbal/sokker…..)
  • Tydens toere kan buite-afrigters afrig,maar die onderwyser bly ten alle tye verantwoordelik vir die welstand en toesig van kinders tydens en na oefening asook na-ure.
  • Klagtes moet deur die afrigter en daarna na die sportkomitee verwys word. Die bestuurlyn is vervat in die sportbeleid van die skool.
  • Taalgebruik van afrigters moet teen alle tye aanvaarbaar wees.
  • Geen kind mag aangeraak, geruk of geslaan word nie. (Geen fisiese kontak nie.)
  • Wanneer proewe plaasvind, mag daar geen ouer van ‘n speler betrokke wees by die kies/samestelling van die span nie.
  • Alle besluite t.o.v. die span/wedstryde moet altyd objektief en verantwoordbaar geneem word. Die beste belang van die span/skool moet voorrang geniet bo alle persoonlike voorkeure.

Verslagdoening

Sportterugvoering

  • Alle uitslae moet voor Maandag 08:00 aan die sporthoof deurgegee word sodat dit in saal opening gelees kan word.
  • Uitslae moet ook op die d6 Communicator beskikbaar wees vir ouers om te sien en moet direk na ‘n wedstryd op die skool se Team App beskikbaar wees sodat ouers dit kan sien.
  • ‘n Sportverslag moet maandeliks of kwartaalliks deurgegee word aan die bestuursliggaam
  • Sport Uitslae moet jaarliks in grafiekvorm deurgegee word sodat dit vergelyk kan word met vorige jare
  • Groei in deelname moet ook gerekordeer word
  • Jaarlikse begrotings terugvoer moet einde van die jaar ingehandig word: Begroot teenoor gebruik
  • Groei van gees en ondersteuning is kardinaal m.b.t die ondersteuners van elke sportsoort.