Natuurwetenskappe, Fisiese Wetenskappe en Tegniese Wetenskappe by Tommies Waar nuuskierigheid begin… en toekoms vorm aanneem.
By HTS Tom Naudé glo ons dat elke uitvinding, ontdekking en tegnologiese sprong begin met ’n vraag – en Natuurwetenskappe help jou om antwoorde te vind. In Graad 8 en 9 is dit ’n verpligte
vak omdat dit die grondslag lê vir sterk prestasie en ingeligte vakkeuses in Graad 10.

Wat leer jy in Natuurwetenskappe?

• Die basiese beginsels van fisika, chemie, biologie en aarde-wetenskappe
• Om krities en logies te dink oor verskynsels in die wêreld
• Hoe om eksperimente te doen, waarnemings te maak en gevolgtrekkings te trek
• ’n Liefde vir ondersoek en ontdekking

Hierdie inhoud berei jou perfek voor vir:
Fisiese Wetenskappe – vir loopbane in ingenieurswese, medies, IT en navorsing
Tegniese Wetenskappe – vir praktiese toepassings in elektriese, siviele en meganiese velde

Elke wetenskaplike reis begin met verwondering.
By Tommies maak Natuurwetenskappe jou wêreld groter – een vraag, een eksperiment en een
ontdekking op ’n slag.

Verskil tussen Fisiese Wetenskappe en Tegniese Wetenskappe

Fisiese Wetenskappe (Physical Sciences) Bestaan uit:
• Fisika én Chemie

Fokus:

• Akademies en konseptueel – geskik vir universiteitsrigtings soos ingenieurswese, medies, rekenaarkunde, ens.

• Sterk klem op teorie, berekeninge en begrip van natuurwette.

Inhoud sluit in:

• Newton se wette, kragte en beweging

• Elektriese stroombane

• Energie en arbeid

• Golfteorie, klank en lig

• Struktuur van atome

• Periodieke tabel en chemiese bindings

• Chemiese reaksies, sure en basisse

• Chemiese berekeninge (stoigiometrie)

Geskik vir:

• Leerders met goeie abstrakte denke en sterk wiskunde

• Universiteitsstudies soos BSc, Ingenieurswese, Medies, Farmasie, ens.

Tegniese Wetenskappe (Technical Sciences) Bestaan uit:

• Fisika-gebaseerde inhoud en Chemie

• Chemie Graad 10 – Atome, Molekules en Verbindings

• Chemie Graad 11 – Termodinamieka

• Chemie Graad 12 – Organiese chemie en Elektrochemie

Fokus:

• Praktiese en tegniese toepassing van wetenskap in werklike situasies soos meganika,
elektrisiteit, konstruksie en tegnologie.

• Ontwerp vir leerders wat ook Tegniese Wiskunde en tegniese vakke soos Meganiese
Tegnologie of Elektrotegnologie neem.
Inhoud sluit in:

• Kragte, beweging, werk en energie

• Elektrisiteit en stroombane

• Materiaalwetenskap (eienskappe van materiale)

• Vloeistofdruk en pneumatika

• Toepassing van wetenskaplike beginsels op masjinerie en tegnologie

Geskik vir:

• Leerders met ’n praktiese ingesteldheid

• Tegniese kolleges, universiteite van tegnologie, en ambagsrigtings soos meganiese
ingenieurswese, elektrisiteit, konstruksie, ens.

Samevatting:

• Fisiese Wetenskappe: Vir akademies sterk leerders wat universiteitsrigtings beoog.

• Tegniese Wetenskappe: Vir prakties ingestelde leerders wat in tegniese beroepe
belangstel.