Wiskunde by Tommies
Waar logika, denke en toekoms mekaar ontmoet.

By HTS Tom Naudé sien ons Wiskunde nie net as ’n vak nie, maar as die taal van oplossings, ’n kernvaardigheid wat die pad oopmaak na tegniese, wetenskaplike én akademiese loopbane.

In Graad 8 en 9 is Wiskunde verpligtend – en vir goeie rede:

• Jy ontwikkel logiese denke en probleemoplossing

• Jy leer om getalle, patrone, grafieke en ruimte te verstaan

Jy kry ’n sterk grondslag vir keuses in Graad 10, soos:

Wiskunde – vir ingenieurswese, wetenskap, tegnologie en rekenaars

Tegniese Wiskunde – vir elektriese, siviele en meganiese tegnologie

Wiskunde by Tommies berei jou nie net voor vir klas nie, maar vir die wêreld daarbuite.

Dink skerper. Bou slimmer. Kies sterker.

By Tommies is Wiskunde jou beginpunt na ’n tegniese en logiese toekoms.

Die verskil tussen Wiskunde en Tegniese Wiskunde:

Wiskunde (Mathematics)
Algemene akademiese wiskunde wat gebruik word in teoretiese studies, wetenskaplike velde, finansies, ingenieurswese en mediese rigtings.

Inhoud sluit in:
• Algebra

• Funksies en grafieke

• Meetkunde (Euclidiese meetkunde en analitiese meetkunde)

• Trigonometrie

• Differensiaal (Calculus)

• Waarskynlikheid en statistiek

Geskik vir:

• Studente wat wil studeer in velde soos ingenieurswese, fisika, rekenaarwetenskap,
ekonomie, aktuariële wetenskappe, ens.

Tegniese Wiskunde (Technical Mathematics)

Meer prakties en toepassingsgerig, gerig op tegniese beroepe. Word gebruik in kombinasie met
Tegniese Wetenskap en Tegniese vakke soos IGO of Elektrotegnologie.

Inhoud sluit in:
• Algebra en vergelykings
• Integraalrekening
• Trigonometrie (meer prakties gerig)
• Meetkunde (Euklidies en Analities)
• Wiskundige modellering van tegniese probleme
• Minder fokus op hoëvlak Calculus (diferensiaal – en integraalrekening) en meetkundige bewysvoering

Geskik vir:

• Leerders wat ’n tegniese loopbaan oorweeg soos: elektrisiën, meganiese tegnikus, boukunde, ambagte, ens.

Watter een moet ‘n leerder kies?

• Wiskunde as jy sterk in die vak is en akademiese/ingenieurswese/wetenskaplike studies beplan.

• Tegniese Wiskunde as jy ’n meer praktiese leerder is wat belangstel in tegniese beroepe of ambagte, of as jy Tegniese Wetenskap neem.